ဝေးကွာနေတဲ့ ချစ်သူတွေအတွက် အလုပ်သင့်ဆုံး အရာ(၉)ချက်

ဝေးကွာနေတဲ့ ချစ်သူတွေအတွက် အလုပ်သင့်ဆုံး အရာ(၉)ချက်

တစ်ဦးနဲ့တစ်ဦး မိုင်တွေဘယ်လောက်ဝေးဝေး နှလုံးသားချင်းနီးဖို့ အရေးကြီးတယ်ဆိုတာ အလုပ်ခက်တဲ့အပြောလွယ်သလောက်ရာတစ်ခုပါ။ကိုယ့်ရဲ့ဘေးပတ်ဝန်းကျင်ကလည်း ယခုလိုဝေးနေတာကို ပုံစံအမျိုးမျိုးနဲ့ အားပေးနှစ်သိမ့်တာတွေ၊

သံသယတွေဝင်အောင် ပြုလုပ်တာတွေ နဲ့ ကဲ့ရဲ့တာတွေလည်း ပြုလုပ်နိုင်ပါတယ်။ဒါပေမယ့် အရေးအကြီးဆုံးအရာက တစ်ယောက်ကိုတစ်ယောက် ယုံကြည်ခြင်းဖြစ်ပြီး နှစ်ယောက်စလုံးဟာလည်း အမြဲတမ်းသွေးအေးမနေစေဖို့ ကြိုးစားနေသင့်ပါတယ်။လူတိုင်းဟာ အချစ်ရေးနဲ့ပတ်သတ်လာရင်

မျှော်လင့်ချက်တစ်ခုတော့ အနည်းဆုံးရှိတတ်ကြတာကြောင့် ….အဆိုပါ မျှော်လင်ချက်လေးကို အရောင်မှိန်မသွားရအောင် ကိုယ်တိုင်ကြိုးစားခြင်းဖြင့် ဆန္ဒတွေပြည့်ဝမယ့် နေ့ရက်ကိုရောက်ရှိလာမှာ မလွှဲမသွေပါပဲ။ ဒါကြောင့် ဝေးကွာနေကြတဲ့ LDRS ချစ်သူတွေအတွက် အကြံပေးချက်အချို့ကို ဖော်ပြပေးလိုက်ပါတယ်။

၁။ သင့်ရဲ့ကိုယ်ပိုင်အရာတွေကိုလုပ်ပါ

သင့်ရဲ့ချစ်သူက သင့်ဘေးနားမှာရှိမနေတဲ့အတွက် ဘာမှမလုပ်ချင်မကိုင်ချင်လောက်အောင် လွမ်းဆွေးမနေပါနဲ့။ ယခုအချိန်ဟာ သင့်ရဲ့ ဝါသနာ၊ စိတ်ဝင်စားမှု၊ စီမံကိန်းတွေနဲ့ အခြားသူငယ်ချင်း မိသားစု relationship တွေကို ပိုမိုတိုးတက်အောင် လုပ်ဆောင်ရမယ့် အချိန်ဖြစ်ပါတယ်။ကျန်းမာေ

ရးနဲ့အလှအပအတွက် အလှဆုံးဖြစ်အောင်နေပါ။ ကိုယ်ကာယလေ့ကျင့်ခန်းလုပ်ပါ။ ပန်းချီနဲ့ အခြားအနုပညာတစ်ခုခုဝါသနာပါခဲ့ရင်လည်း ပိုမိုလေ့လာဖန်တီးပါ။ ဒီလိုအရာတွေကို ပြုလုပ်နေခြင်းက သင်တို့နှစ်ဦးလုံးအတွက် အကျိုးကျေးဇူးတွေကို ရရှိစေပြီး သင့်ကိုပိုမိုတန်ဖိုးထားစေပါတယ်။

၂။ အလေ့အထတွေပြုလုပ်ပေးပါ

မနက်ခင်းအိပ်ရာထတဲ့အခါ ချစ်သူဆီကို Good morning ညဖက်အိပ်ရာဝင်တဲ့အခါတိုင်း Good night စတဲ့မက်ဆေ့လေးတွေ ဖုန်းခေါ်ဆိုမှုလေးတွေကို မပျက်မကွက်နဲ့ ပုံမှန်လေးပြုလုပ်ပေးပါ။ဒီလိုဓလေ့လေးတွေက မနက်ခင်းနိုးလာတဲ့အချိန်၊ အိပ်ခါနီးအချိန်တွေမှာ သင့်ကိုပဲသတိရစေပြီး နွေးထွေးမှုပိုရှိစေသလို တစ်ယောက်နဲ့တစ်ယောက် ပိုနီးကပ်သလို ခံစားရစေပါလိမ့်မယ်။

၃။ အဝေးရောက် date လုပ်ပါ

တချိန်ထဲမှာ ဇာတ်ကားအတူတူကြည့်နေတာတွေ၊ တူညီတဲ့မုန့်အတူတူစားနေတာတွေ၊ ကိုယ်ရောက်နေတဲ့နောက်ခံနဲ့အတူ video call ပြောတာတွေ၊ အွန်လိုင်းဂိမ်းအတူတူဆော့တာတွေက တစ်ယောက်ကိုတစ်ယောက် ဆက်သွယ်မှု ပိုရှိစေပါတယ်။ ဒါကြောင့်ဘယ်လောက်ဝေးနေပါစေ တစ်ယောက်ရဲ့အတွေ့အကြုံနဲ့ အခြေအနေတွေ၊ အနားယူချိန်လေးတွေကို မျှဝေဖို့စိတ်ကူးသင့်ပါတယ်။

၄။ ယုံကြည်ရတဲ့သူတွေနဲ့ မိတ်ဆက်ပေးပါ

တစ်ယောက်ကိုတစ်ယောက် ပွင့်လင်းစွာပြောဆိုဆက်ဆံတတ်ခြင်းဟာလည်း သံသယတွေကင်းစေပါတယ်။ ဒါ့အပြင်သူကအဝေးရောက်နေတဲ့အတွက် အခြားသံသယတွေ၊ မယုံကြည်မှုတွေ ကင်းဝေးစေဖို့

သင့်ရဲ့အခင်မင်ရဆုံးနဲ့ အယုံကြည်ရဆုံး သူငယ်ချင်း၊ မိသားစုဝင်တွေနဲ့ မိတ်ဆက်ပေးပြီး ခင်မင်ရင်းနှီးပါစေ။ယခုလိုပြုလုပ်ပေးခြင်းဟာ မလိုအပ်တဲ့သံသယတွေကို တစိတ်တပိုင်းလျော့နည်းစေနိုင်ပါတယ်။

၅။ အခိုက်အတံ့လေးတွေကို မျှဝေပါ

သင့်အိမ်က အိမ်မွေးတိရိစ္ဆာန်လေးတွေနဲ့ ကစားနေတာတွေ၊ အဝတ်အစားအသစ်စမ်းဝတ်ကြည့်တဲ့ အချိန်တွေ၊ အလှဆုံးပြင်ထားပြီးတဲ့အချိန်လေးတွေကို short video, photo ပြုလုပ်ပြီး သူ့ကိုမျှဝေပေးပါ။ ပြီးလျှင် သူဆီကအကြံပြုချက်ကိုလည်း

တောင်းခံနိုင်ပါတယ်။ဒီလိုအရာတွေက သေးငယ်တယ်ထင်ရပေမယ့် ကိုယ့်ရဲ့ရှင်သန်မှုအခိုက်အတံ့လေးတွေကို သူသိနေခြင်းဟာ နှလုံးသားကိုအနွေးဓါတ်ပေးနိုင်ပါလိမ့်မယ်။ ဒီလိုအရာတွေကို သူသိစေဖို့ လက်မလွတ်ပါစေနဲ့။

၆။ သင့်ချစ်သူနဲ့ပတ်သတ်တဲ့ အစိတ်အပိုင်းတစ်ခုခုကို ထိန်းသိမ်းထားပါ

သင့်ချစ်သူအနှစ်သက်ဆုံး စောင်ကိုခြုံပြီးအိပ်တာတွေ၊ သူအကြိုက်ဆုံးသီချင်းကို မနက်ခင်းဖွင့်ပြီး နားထောင်တာတွေ၊ စတဲ့သူနဲ့ပတ်သတ်တဲ့ အရာလေးတွေကို မကြာခဏပြုလုပ်ပေးခြင်းက သင့်ရဲ့လက်တွဲဖော်ဟာ သင်နဲ့အနီးဆုံးမှာ ရှိနေသလိုခံစားရပါလိမ့်မယ်။

၇။ တစ်ယောက်နဲ့တစ်ယောက် ရိုးသားမှုရှိပါစေ

သင့်ရဲ့စိုးရွံ့မှုတွေ၊ မလုံခြုံမှုတွေ၊ သဝန်တိုစိတ်တွေ၊ စတဲ့ခံစားချက်တွေကိာ ဘာတွေပဲဖြစ်နေပါစေ ဖွင့်ဟပြောဖို့မမေ့ပါနဲ့။ တကယ်လို့တစ်ခုခုကို ဖုံးကွယ်ဖို့သင်ကြိုးစားတဲ့အခါ ဒီလှို့ဝှက်ချက်တွေက သင့်ကိုအနှေးနဲ့အမြန်ဆိုသလို ဝါးမြိုတတ်ပါတယ်။

ဒီလိုပြဿနာတွေနဲ့ ခံစားချက်တွေကို သင်တစ်ယောက်တည်း ဖြေရှင်းဖို့မကြိုးစားသင့်ပါဘူး။ တစ်ယောက်ကိုတစ်ယောက် ပွင့်လင်းမှုနဲ့ ရိုးသားမှုရှိပါစေ။ သင့်ချစ်သူကိုလည်း သင့်အတွက်စိုးရိမ်ပူပန်ခွင့်၊ သဝန်တိုခွင့်၊အားပေးခွင့်နဲ့ အကူအညီပေးခွင့်တွေ ပေးသင့်ပါတယ်။

၈။ ကိုယ့်ရဲ့ personal space ကိုမျှဝေပေးပါ

personal space ဟာကိုယ်ပိုင်လွတ်လပ်ခွင့်ဖြစ်တာကြောင့် အခြားသူကိုစွက်ဖက်ခွင့် မပြုသင့်သော်လည်း အဝေးရောက်နေတဲ့ ချစ်သူတွေအတွက်ကတော့ မျှဝေပေးခြင်းကြောင့် ပိုပြီး အကျိုးရှိစေမှာပါ။သူကကိုယ်နဲ့အဝေးကြီးမှာရှိနေတဲ့အတွက် သင့်ရဲ့တချို့ကိစ္စတွေ၊ခရီးတွေ၊ ရောက်ရှိနေတဲ့နေရာတွေကို

သူ့ဆီသတင်းပို့ပေးပါ။သူ့ဖက်က တားမြစ်ခြင်းတွေကိုလည်း အကောင်းဆုံးနဲ့ အဆင်ပြေဆုံးဖြစ်အောင် အပြုသဘောဆန်ဆန် ဖြေရှင်းချက်၊ နဲ့အာမခံမှုတွေ ပေးနိုင်ပါတယ်။ တကယ်လို့ အထင်လွဲစရာတစ်ခုခု ကြုံခဲ့ရင်တောင်မှ သင်ကအရင်ဆုံးအသိပေးပြီး ဖြစ်တဲ့အတွက် ပြဿနာတွေက သိပ်ပြီးကြီးထွားမှာ မဟုတ်တော့ပါဘူး။

၉။ သဝန်တိုမှုတွေကို ခွဲခြမ်းစိတ်ဖြာပါ

သင့်ရဲ့လက်တွဲဖော်ဟာ သင့်အတွက်ယုံကြည်စိတ်ချရတဲ့အတွက် သင်ကိုယ်တိုင်ရွေးချယ်ထားတာဖြစ်ပါတယ်။ သဝန်တိုမှုဟာ အခြေအနေအလိုက် ပေါ်ပေါက်လာတတ်ပေမယ့် ဒါဟာခံစားချက်သက်သက်ဖြစ်ပြီး လက်တွေ့မဟုတ်သေးကြောင်း သတိရနေပါစေ။ဒီလိုသဝန်တိုမှုတွေကနေ လက်တွေ့ဆိုးဝါးတဲ့အကျိုးဆက်တွေ

မဖြစ်ခင်မှာပဲ သူ့အပေါ်ဘာကြောင့်ယုံကြည်မှုပျောက်ဆုံးနေရလဲ ဆိုတဲ့အရာကို အသေအချာစဉ်းစားသုံးသပ်ပါ။ တစ်ခါတစ်လေမှာ ကိုယ်ထင်ထားတာတွေနဲ့ လုံးဝလွဲချော်တတ်တာကြောင့် အရင်ဆုံးသင့်ကိုယ်သင်ယုံကြည်မှုရှိအောင် ကြိုးစားသင့်ပါတယ်။